11-6-2010

له‌ ئه‌رشیفی فیلمی نیشتیمانی له‌ نیوزله‌ندا کۆمه‌ڵێک فیلمی ئه‌مریکی کۆن دۆزرایه‌وه‌ له‌ نێویاندا فیلمی چه‌ند ئه‌کته‌ر و ده‌رهێنه‌رێکی به‌ناوبانگی هۆلیود له‌ ده‌یه‌ی بیسته‌کاندا.بریان میتشام له‌ ئه‌کادیمیای هونه‌رو زانستی سینه‌مایی له‌ لۆس ئه‌نجلس ڕایگه‌یاند ‌ ژماره‌ی فیلمه‌کان 75 فیلمه‌و گرنگترینیشیان فیلمی(ئه‌بستریم ) ه‌ که‌ به‌ فیلمێکی بزر بوو له‌ قه‌ڵه‌م درابوو و به‌رهه‌می ساڵی 1927 ه‌و له‌ ده‌رهێنانی جۆن فۆرده‌،هه‌روه‌ها به‌ ڕادیۆی نیوزله‌ندای ڕاگه‌یاند که‌ کۆمه‌ڵێک گه‌نجینه‌ی ڕاسته‌قینه‌ دۆزراوه‌ته‌وه‌ و هه‌روه‌ها ڕایگه‌یاند که‌ فیلمێکی تر که‌ ده‌گه‌ڕێته‌وه‌ بۆ ده‌یه‌ی بیسته‌کان و له‌ نواندنی( کلارا بوه‌)له‌ نێو فیلمه‌کانه‌.له‌ لای خۆیه‌وه‌ کریس فینلسن وه‌زیری هونه‌رو فه‌رهه‌نگ و که‌لتوری نیوزله‌ندی ڕایگه‌یاند که‌ فیلمه‌کان زۆر گرنگن و ده‌یان پارێزین و هه‌روه‌ها له‌ نیوزله‌نداو ئه‌مریکاش نمایشیان ده‌که‌ین.
شایانی باسه‌ له‌ کاتی خۆیدا به‌ مه‌به‌ستی نمایش کردن فیلمه‌کان ڕه‌وانه‌ی نیوزله‌ندا کرابوون،به‌ڵام دواتر له‌به‌ر گرانی نرخی گێڕانه‌وه‌ی بۆ ئه‌مریکا له‌وێ ماوه‌ته‌وه‌.